Sérlausnir

Crosstrade þjónusta er klæðskerasniðin þjónusta í boði fyrir viðskiptavini TVG-Zimsen sem vilja nýta sér flutningalausnir ótengdar Íslandi. Fyrirtæki sem starfa erlendis og þurfa að koma vörum sínum milli landa býðst að láta TVG-Zimsen sjá um alla þjónustu frá sendanda til móttakanda í hvaða landi sem er.

Þarftu flutning á sérhæfðum búnaði frá Afríku til Asíu? Við sjáum um allan pakkann með neti samstarfsaðila út um allan heim og veitum persónulega þjónustu.

Til að fá nánari upplýsingar um Crosstrade skaltu hafa samband í síma 5 600 700 eða á netfang þjónustudeildar.

TVG-Zimsen sér um flutninga á listaverkum til og frá landinu.

Listaverkaflutningar eru vandasamir og krefjast þess að fyllsta öryggis sé gætt á öllum stigum flutningaferilsins enda oft og tíðum um gífurleg verðmæti að ræða.

Starfsemin er fólgin í að annast pökkun listaverka til flutnings samkvæmt ströngustu öryggisstöðlum, í rammgerða trékassa, bókun á flutningi, sérstakri tollmeðhöndlun og flutningi erlendis til móttakanda í samstarfi við viðurkennda erlenda listaverkaflutningsaðila.

Einnig er þessi sama þjónusta í boði vegna flutninga innanlands. Í langflestum tilfellum þarf að klæðskerasníða pakkningar, sérsmíða kassa og hafa tiltækt sérhæft pökkunarefni til að tryggja öryggi við flutning listaverkanna.

TVG-Zimsen stýrir einnig flutningum á erlendum listsýningum sem koma hingað til lands tímabundið, allt frá geymslum safna erlendis og inn á gólf sýnenda hér á landi. Til að gæta fyllsta öryggis eru flutningar eingöngu í samstarfi við viðurkennda aðila erlendis. Fylgst er með hverjum þætti í flutningsferlinu og náið samstarf og samvinna höfð við flutningsaðila hverju sinni.

TVG-Zimsen er með geymslu og pökkunarhús með fullkomnu öryggiskerfi.

Hafðu samband við þjónustufulltrúa okkar í síma 5 600 777 eða sendu fyrirspurn á netfang listaverkaflutninga.

Neyðarþjónusta TVG-Zimsen er góð lausn þegar mikið liggur við að fá vörur sendar án tafar.

Í neyðartilfellum fer ákveðið ferli af stað til að tryggja að flutningstími verði sem stystur.

TVG-Zimsen býður upp á neyðarþjónustu fyrir alla sína viðskiptavini:

• Einn tengiliður sér um sendinguna frá A-Ö
• Track & trace alla leið
• Fyrsti mögulegi kostur í flutningum valinn
• Hvert sem er, hvaðan sem er í heiminum
• Öll þjónusta er viðkemur tollayfirvöldum
• Net samstarfsaðila erlendis sem bjóða upp á neyðarþjónustu

Neyðarþjónusta TVG-Zimsen er opin allan sólarhringinn alla daga ársins. Athugið á ekki við netverslunarþjónustu.

PharmaHealth er þjónusta TVG-Zimsen sem hönnuð hefur verið út frá evrópskum leiðbeiningum um góða starfshætti í lyfjadreifingu (GDP).

Hvort sem um er að ræða flug- eða sjóflutning, akstur eða hýsingu þá er hægt að treysta því að lyf og önnur heilsutengd vara er í góðum höndum hjá TVG-Zimsen.

Sérþjálfað starfsfólk heima og erlendis ásamt úrvals-samstarfsaðilum sjá til þess að flutningskeðjan haldist órofin og innan áskilins gæðaramma:

• Hitastýring
• Sérþjálfað starfsfólk
• Valdir samstarfsaðilar
• Rekjanleiki
• Sérútbúnir gámar og flutningabílar
• Vöruhús með lyfjaheildsöluleyfi

Með því að nýta sér PharmaHealth þjónustu er hægt að lágmarka hættuna á frávikum í flutningum og þannig takmarka hættu á vöruskorti og öðrum óþægindum.

Allar heilsutengdar vörur eru í góðum höndum PharmaHealth!

Nánari upplýsingar um PharmaHealth má nálgast í gegnum þjónustusíma TVG-Zimsen 5 600 777 og netfang PharmaHealth

TVG-Zimsen hefur áralanga reynslu af flutningsmiðlun um allan heim fyrir kvikmynda- og skemmtanaiðnaðinn. Við vitum hvað þarf til að koma áríðandi sendingum til skila og gerum okkur grein fyrir því að tíminn skiptir máli.

Starfsfólk okkar mætir á staðinn öllum stundum og þannig tryggjum við gæði þjónustunnar fyrir viðskiptavini okkar.

Þegar verið er að skipuleggja stór verkefni eða gerð auglýsinga á Íslandi með stífum fjárhagsramma er TVG-Zimsen rétta fyrirtækið til að annast flutningana.

Hvert verkefni er einstakt og hver viðskiptavinur þarf sína klæðskerasniðnu lausn sem uppfyllir hans þarfir. Við starfrækjum nokkur net alþjóðlegra fulltrúa sem geta afhent hvað sem er, hvar sem er í heiminum, á réttum tíma.

Með innanhússtollmiðlun okkar getum við annast öll tollamál, þar á meðal ATA-Carnet skírteini (fyrir tímabundinn inn- og útflutning) og tímabundnar innflutnings-tryggingar.

Við getum líka aðstoðað við að fá innflutningsleyfi fyrir hluti sem takmarkanir gilda um, t.d. eldfim efni, feldi og lifandi plöntur.

Starfsfólk okkar hefur áralanga reynslu af þjónustu við kvikmyndaiðnaðinn á Íslandi.

Fyrir utan fjölda auglýsinga og gerð sjónvarpsefnis hefur starfsfólk okkar stýrt flutningi fyrir fjölda stórra verkefna. Mikil leynd hvílir yfir verkefnum og krafist er trúnaðar.

Þegar tónleikar eða aðrir viðburðir eru skipulagðir er afhending á réttum tíma algjört grundvallaratriði. Við tryggjum að starfsfólk sé á staðnum við komu, tollafgreiðslu og afhendingu á vettvangi.

Við vinnum náið með samstarfsaðilum um allan heim en þannig getur TVG-Zimsen fundið klæðskerasniðna lausn sem fer fram úr þínum björtustu væntingum.

Nánari upplýsingar um viðburðaflutninga má fá í síma 5 600 700 eða í gegnum netfang viðburðaflutninga.

Boðið er upp á yfirgripsmikla umboðsþjónustu fyrir alla skipaeigendur og rekstraraðila áætlunarskipa. Þjónustan felst í hafnarþjónustu sem veitt er skipum af ýmsu tagi, allt frá skemmtiferðaskipum til fiskiskipa.

Hafnarþjónustan felst í þjónustu við skip við afgreiðslu þeirra í eða úr höfn, þ. á m. samskipti við tollayfirvöld, Útlendingastofnun og aðrar stofnanir ásamt umsjón með þjónustu af ýmsu tagi, s.s. kosti, eldsneyti, vatni, úrgangslosun, viðgerðum, áhafnarskiptum, læknisþjónustu o.s.frv.
Við þjónum öllum gerðum skipa, s.s. gámaskipum, flutningaskipum, herskipum, rannsóknarskipum og skemmtiferðaskipum.

Dótturfyrirtæki TVG-Zimsen, Gára ehf, sér um framkvæmd umboðsþjónustunnar fyrir hönd TVG-Zimsen.

North Atlandic Agency, sinnir umboðsþjónustu fyrir Norður-Atlantshaf sem spannar svæði frá Skotlandi að ströndum Kanada.

Sjá nánar á naa.is.